又好耐都無寫呢度喇

因為實在好忙

不過忙得都幾開心呀.. 哈哈

今年生日原本就無乜甘特別既

誰不知發生四川大地震

如果可以揀唔生日就等於無地震甘就好

17-18/5公司旅行既澳門威尼斯人酒店之旅

間房真係大到用唔晒..

成個偏廳除左影相之後無乜點用過

用品真係十分齊全…針線盒, 浴鹽, 泡泡浴都有

但老板娘仲落去買俾我地.. 真係好!!!

夜晚係裡面食buffet.. 呢餐都幾豐富

有個傻人狂食生蠔, 而我食得最多既係甜品

之後去賭場睇下喇..d人好似當d錢唔係錢甘

幾千蚊玩一鋪大細.. 傻的

我就只係睇無賭呀

第二日book左旅遊巴車我地去觀光

影左好多靚相呀.. 哈哈

1/6去左文哥哥既婚禮

教堂行禮真係好浪漫

睇見新娘慢慢步入教堂

新郎就勁緊張甘望住

好幸福呀…

之後去飲個場都幾靚架

不過朝早趕住出門口無帶相機影相呀

因有兩星期無去跳舞

所以就一次跳左兩堂

一堂就係平時跳開既funky dance

另一堂叫yoga dance.. 上呢堂真係笑多過跳

d動作同跳印度舞差唔多

個人覺得都係funky dance感覺好玩d

2/6同Mark家人去左如心酒店食buffet 慶祝父親節

放工果時落勁大雨

搞到條褲同對鞋濕住甘食野好唔舒服

個buffet好似比較少野食

但個個都好似食到好飽甘..哈哈

唉!! 張SOFA我5月中買左到而家都未送貨

激死我喇.. 冷氣又買唔到想要果部.. 唯有等喇

大致上間屋既傢私都齊喇..

如無意外星期六終於會入伙

甘我返工又可以訓多陣喇.. 因為可以行返工呀

其實仲有好多濕碎野未買

因為睇唔岩同資金不足關係需要慢慢買

我最後都係買左電熱水爐同雙頭電磁爐

原來買呢兩樣野拎晒d單據去中電係會減我800蚊電費架

加埋9月份政府果1800蚊.. 哈哈!! 應該有一年半載唔洗交電費喇

星期五晚跟同事們一齊去跳舞

幾好玩.. 但好累

返到屋企無食晚飯就係廳度訓著

訓到2點幾醒左.. 張野訓到我條腰勁痛

唔知點解個個返黎都唔叫醒我

唔通我隱左形佢地見唔到我

星期六睇左愛情萬歲…有免費飛

如果唔係我諗我會買碟睇

我就較鐘意洪卓立同YUMIKO既故事

睇睇下原來佢都幾吸引.. 哈哈!!!

星期日去左尖咀唱K…大半年無去過

呢間NEWAY最好就係無人去

可能唱勁耐…不過因為又有神祕活動要走

哈哈!! 希望下次可以唱耐D喇

之後有人煮左個晚餐俾我食.. 都幾好味

但見到隔離食緊好美味既壽司好羨慕

呢排又申請左2張信用咭

一張簽滿3000蚊有8張戲飛

唔知幾時寄俾我呢

一張為左肥B申請架…

簽滿3000蚊有個電子寵物食物盒

SET好時間夠鐘佢就會打開俾野肥B食架喇

其實係因為買野會有折先申請既

平時買開果個牌子既狗罐頭要14蚊

但有信用咭只需要9.5就買到喇

搞錯.. 我買左成年先發現

激鬼死我喇

睇睇下原來都有好多張喇

係咪要CUT甘幾張呢??

今日房署會有人上黎搞埋間屋D手尾喇

希望整得靚靚地喇

收到水費按金單, 又要400蚊

上次煤氣果300蚊都未交呀

煩死人喇~~

而家最基本既開支真係貴左好多…

2個人食餐飯差唔多要成舊水

點儲錢/?

終於考完試喇…hohohoho!!!!

上個星期為左個試搞到精神緊張..

勁大壓力, 仲成日發脾氣tim!!!

以前會考都唔會有呢種感覺

可能當時我無諗過升學卦

而家終於明白點解d人話讀書好大壓力

 ------------------------------------------

終於可以專心搞間屋喇

拎左屋3星期乜都未買過

好想買張紫色既sofa

但搵唔到我想要果隻紫呀..

電視又搞左我勁耐都未決定到

煩死我喇…再係甘落去真係唔知我幾時先入得伙

 ---------------------------------------------------

公司呢期又多左2個福利

1.       幫我地報左葵芳living yoga 一年會籍,

而我就唔會做yoga既, 我諗住去跳jazz同funky dance

仲有得玩boxing架

與同事一齊book左聽晚跳第一堂, 實笑死

2.       1年有2次短途旅行, 公司會請埋每位同事的另一半,

做我男友真係幸福.. 呵呵!!!

第一炮係5月17-18日澳門威尼斯人酒店(包全天候食野同包住)

下次就應該會去溫泉.. 地方待定

 ---------------------------------------------------

今晚去尖咀有神祕活動…好緊張!!!

YEAH!!!今日無喇喇又出花紅,

話放3日假俾d$$我地去玩,

岩岩夠$$可以買部 5.1音響喇

每次我等$$洗好神奇地佢就會出手相助..好開心!!!

佢仲話端午節會再出

上年 6月,9月, 10月, 11月都有出,

I have a great boss!!係咪好羨慕呢!!

其實可能老板娘知我搬屋等$$洗

------------------------------------------------

新屋如無意外星期日就裝修好喇!!期待中...

-------------------------------------------------

8號同14號考試喇...一定要pass呀!!!

又要報名讀另外2科喇...so hard & tired!!

呢排好多轉變..hope i can handle la...

-------------------------------------------------

尋晚發夢見到洪卓立

或許是近期每天都聽他的歌吧

他不是我喜歡的類型

但歌真的動聽

尋日申請左水電煤

今朝一早就收到煤氣公司電話, 效率真係快..

唔知cut果時效率係咪一樣呢

原來申請左唔用每個月都要交HK$9.5保養維修費架

佢叫我再諗下先答佢

買個熱水爐岩我屋企既要HK$3280, 但佢話我係新用戶有7折呀.. 即係HK$2296

又話送埋個煮食爐喎

好似好抵甘...

我唔識用扭果d煮食爐架

咪問佢有無按掣果d送喇.. 甘就要加HK$88蚊

仲要size 細d 又要同時拎起黎洗喎

d人又話電熱水爐開左要等15-25分鐘先沖得

又唔可以沖得耐喎.. 會無熱水

甘多野煩架…

究竟我用晒電熱水爐同電磁爐好定用煤氣爐好呀

仲有個信箱凹左開唔到呀

好彩佢話2日內整番個新既俾我

但到時又要我去拎過條匙...